நச்வரி நாலுவரி KAVITHAI VERSIONS

நச்வரி நாலுவரி V 0.1

கோபம் கொண்டு வாழ்பவன்,

சாபம் பெற்று வாழ்பவன்.!

இன்பம் கண்டு வாழ்பவன்,

துன்பம் இல்லா வாழ்வான்.!!!

நச்வரி நாலுவரி V 0.2

இல்லாதவனுக்கு Ration rice

இருப்பவனுக்கு Basmathi rice

இடைபட்டவனுக்கு boil rice

இறந்ததும் பேதமில்லா Vaayil rice

        (இதுதான் வாழ்க்கை)

நச்வரி நாலுவரி V 0.3

உனது கேள்விகுறிகளை???

உன்னுடைய உழைப்பால்..

உடனே கூன் நிமிர்த்தி,

உனகே ஆச்சிரியகுறிகளாக்கு!!!

நச்வரி நாலுவரி V 0.4

நேற்றை தாரை வார்த்தாய்!

நாளை எதிர்நோக்குகின்றாய்!

இன்றே உனக்கு சொந்தம்!

இனிமையாய் செலவழி தோழா!

 நச்வரி நாலுவரி V 0.5

முயல்பவனுக்கு தட்டிக்கொடு!

இயலாதவனுக்கு விட்டுக்கொடு!

கேட்பவனுக்கு சொல்லிக்கொடு!

வீழ்ந்தவனுக்கு கைகொடு!

நச்வரி நாலுவரி V 0.6

குடிமக்களே குடிமக்களே!

நேற்று கிள்ளிப் பருகினாய்!

இன்று அள்ளிப் பருகுகிறாய்!

நாளை கொல்லியில் எரிந்திடுவாய்.. ஜாக்கிரதை!!!

நச்வரி நாலுவரி V 0.7

உழைப்பிற்கு ஒற்றடம்

ஓய்விற்கு சிறப்பிடம்

இயற்கையின் கொடை

வாழ்க்கையின் வரம் " தூக்கம் "

நச்வரி நாலுவரி V 0.8

உள்ளத்தில் துணிவிருந்தால்

முடிவில் தெளிவிருந்தால்

செயலில் உண்மையிருந்தால்

வாழ்க்கையில் என்றும் ஜெயமே..!!

நச்வரி நாலுவரி V 0.9

மலர் தூவி பூசித்தேன்..

மெழுகேற்றி பிராத்தித்தேன்..

மண்டியிட்டும் பார்த்துவிட்டேன்!

யார் இறைவன்? "நம் நம்பிக்கைதான்"

நச்வரி நாலுவரி V 1.0

நிலா வருகை உலகின் மௌனம்..

ரணம் விலக மரண ஒத்திகை..

உடல் உறங்கும் மனம் உறங்காது..

கனவின் பிடியில் இரவின் மடியில்..

நச்வரி நாலுவரி V 1.1

ஆறு இன்ச் நாக்கு

அடங்காம போச்சுனா

ஆறடி உடம்பு சீக்கிரம்

அடங்கிடும் மண்ணுக்குள்ள..

நச்வரி நாலுவரி V 1.2

இமை விழிக்காதே

இதழ் சுழிக்காதே

இடை குலுக்காதே

இல்லாமல் போகிறேன் அன்பே!!!

நச்வரி நாலுவரி V 1.3

தூங்கா விட்டால்

நாம் இரவை சுமப்போம்.!

தூங்கி விட்டால்

இரவு நம்மை சுமக்கும்.!

நச்வரி நாலுவரி V 1.4

கதிரவனின் பார்வையில்

உனக்கென ஒரு நாள்

புன்னகையுடன் தொடங்கு

பூக்களாக மலரட்டும்

நச்வரி நாலுவரி V 1.5

வாழும் வாழ்க்கை...

சிலருக்கு வரையபட்ட சித்திரம்.!

பலருக்கோ அது விசித்திரம்.!!

எனினும் நம்(பிக்)கையில் சரித்திரம்.!!!

 நச்வரி நாலுவரி V 1.6

ஆடையின்றி இருந்தபோதும்

அச்சமின்றி இருந்தோம் கருவறையில்,

ஆடை அணிந்து இருந்தும்

அச்சத்துடன் நடக்கின்றோம் தெருவில்..

இப்படிக்கு பெண்கள்.🙎

நச்வரி நாலுவரி V 1.7

நம் கையில் இருக்கலாம்

காலம் காட்டும் கடிகாரம்

நம் கையில் இருப்பதில்லை

காலம்! நம் காலம்!!

நச்வரி நாலுவரி V 1.8

உன் வாழ்க்கை உன் பையில்

அது தொலையாமல் பார்த்துகொள்

உயர்வும் தாழ்வும் உன் கையில்

அது அழியாமல் நினைவில் கொள்

நச்வரி நாலுவரி V 1.9

இரக்கமில்லை அவளிடம்

இருக்கவில்லை அன்பின்'தடம்

இயலவில்லை மன'திடம்

இயக்கமில்லை என்னிடம்

நச்வரி நாலுவரி V 2.0

முயலாதவர்களை வாழ்க்கையில் வாழ்த்திவிடு!

முடியாதவர்களை வாழ்க்கையில் வாழவிடு!

முன்னேருபவனுக்கு வாழ்க்கையில் வழிவிடு!

முன்னோடிகளை வாழ்க்கையில் வழிபடு!

நச்வரி நாலுவரி V 2.1

கோயில்களில் இந்து என்றார்கள்.

தேவாலயத்தில் கிறிஸ்தவன் என்றார்கள்.

பள்ளிவாசலில் இசுலாமியன் என்றார்கள்.

மதம் மனிதனாய் பார்க்கவில்லை...

நச்வரி நாலுவரி V 2.2

திருட முடியாது

தொட கூடாது

கருப்பு வெள்ளை படம்

கனவு கூடாரம்

 நச்வரி நாலுவரி V 2.3

விழுந்த இடத்தில் எழுந்திடு

எழுந்த இடத்தில் விதைத்திடு

விதை வளர்ந்து விருட்சமாகிடு

விருட்சம் வானை முட்டட்டும்!!!

நச்வரி நாலுவரி V 2.4

நிம்மதி தேடி

நிம்மதி தேடி

நிம்மதி தேடி

நிம்மதி இழந்தோம்😏

நச்வரி நாலுவரி V 2.5

இலக்கை நோக்கி நகர்ந்திடு

இன்றே முயற்ச்சிக்க துணிந்திடு

தடை வந்தால் தகர்த்திடு

தடுமாறினாலும் முயற்சி செய்திடு

நச்வரி நாலுவரி V 2.6

நீ சைக்கிளாய்

நிற்காமல் ஓடுவதால் அன்பே,

நான் நட்டுபோல்

கழறுகிறேன் அடிக்கடி!

நச்வரி நாலுவரி V 2.7

சாப்டியா என்று கேட்கும்

உறவுகளை விட,

சாப்பிடுடா என்று உணவை ஊட்டும் நண்பனே சிறந்தவன்..!

நச்வரி நாலுவரி V 2.8

கண்களை இன்னும் மூடுகிறேன்

மூச்சை உள்ளே இழுக்கிறேன்

தொல்லைகள் தவிர்த்து மயங்குகிறேன்

ஞாயிறு விடுமுறை என்பதால்..!

நச்வரி நாலுவரி V 2.9

வினை விதைத்தவன்

வினை அறுப்பான் அன்று.

விதை விதைத்த விவசாயி

கழுத்தறுத்து கொள்கிறான் வாழ வழியின்றி இன்று..

நச்வரி நாலுவரி V 3.0

எதுவும் முயற்சிக்காத போதே

தோல்வி கிடைக்குதே,

ஏதேனும் முயற்சி செய்தால்

என்னவெல்லாம் கிடைக்குமோ.?

 நச்வரி நாலுவரி V 3.1

நாளையை நினைத்து

நேற்றை மறந்து

இன்றே உனது

என்பதை மறந்திடாதே தோழா!

நச்வரி நாலுவரி V 3.2

இறக்க போகிறேன்,

என் இறுதி ஆசை

இதயமில்லாத அவளுக்கு

என் இதயம் பொறுத்துங்கள்😅

நச்வரி நாலுவரி V 3.3

தாய் தந்தை - கருவாக்கும் கடவுள்

ஆசான் - உருவாக்கும் கடவுள்

நண்பர்கள் - காக்கும் கடவுள்

காதலி - அழிக்கும் கடவுள்😜

நச்வரி நாலுவரி V 3.4

தோல்வியின் அடையாளம் "தயக்கம்"

வெற்றியின் அடையாளம் "துணிச்சல்"

துணிந்தவர் தோற்றதில்லை,

தயங்கியவர் வென்றதில்லை..

நச்வரி நாலுவரி V 3.5

தனுஷ்கோடி தமிழனே

தமிழ்நாட்டின் திருமகனே

இந்தியாவின் முடிசூடியவனே

இளைஞனின் கனவு நாயகனே!!!

**அப்துல் கலாமிற்கு அஞ்சலி**

நச்வரி நாலுவரி V 3.6

ராமேஸ்வரம் எம்ஐடி ஆசிரியர்

அணுவிஞ்ஞானி ஏவுகணை

அக்னி சிறகுகள் கனாகணுங்கள்

குடியரசு தலைவர் பாரத ரத்னா

அவரே *அப்துல் கலாம்*..

நச்வரி நாலுவரி V 3.7

அறிவினில் தலை சிறந்தவன்

அணு அணுவாய் சோதித்தவன்

அழியா பெருமையை சேர்த்தவன்

அழகிய தமிழ் மகன் கலாமவரே..

நச்வரி நாலுவரி V 3.8

கங்கை நதியின் நீரை விட

புனிதமானது

உழைக்கும் உந்தன் வியர்வை

துளி .. உழைப்போமா?

நச்வரி நாலுவரி V 3.9

மடியில் சாய்ந்து சோகத்தை

சொல்ல அன்னையிருந்தாலும்,

தோளில் சாய்ந்து சோகத்தை

சொல்ல நண்பன் இருந்தால் சோகம் கூட சுகமாகும்...

நச்வரி நாலுவரி V 4.0

மழை பேசினால்,

மண் வாசனை

பூ பேசினால்,

உன் யோசனை அன்பே!..

நச்வரி நாலுவரி V 4.1

நடுக் கடலிலும் சரி

நீரற்ற பாறையிலும் சரி

நம்பிக்கையுடன் மரம் வளரும்!!!

நாடிதளர்கிறாய் மனிதா நீ நம்பிக்கையிழந்து ஏன்?!

நச்வரி நாலுவரி V 4.2

மரணம் ஏற்படுவது

சுவாசிக்க மறக்கும்போது அல்ல

மனதில் நின்றவர்

நேசிக்க மறுக்கும்போது வருவது!

நச்வரி நாலுவரி V 4.3

வெறுப்புகளின்றி விருப்பில்லை..

துன்பங்களின்றி இன்பங்களில்லை..

கஷ்டங்களின்றி சுகமில்லை..

இதனைப் புரிந்தாலன்றி வாழ்க்கையில்லை..!

நச்வரி நாலுவரி V 4.4

வசந்தமாளிகை கட்டினார்கள்,

தாஜ்மகால் கட்டினார்கள்,

எல்லாம் தோல்வியின் அடையாளம்..

இதயக்கோயில் கட்டு நிச்சயம் வெற்றி..

நச்வரி நாலுவரி v 4.5

அவள் வருவாள் என்ற

அந்த ஒற்றை நிமிட

அழகான கனவுக்காக

அமைதியாய் உறங்க போகிறேன்!

நச்வரி நாலுவரி V 4.6

திங்கள் திகைத்து செவ்'வாய் பிளந்து

புதன் புரண்டு வியாழன் விக்கி பின்

வெள்ளி முளைத்து சனி நீங்கியதால்

ஞாயிறு விடுமுறை.. மகிழ்ச்சி!!!

நச்வரி நாலுவரி V 4.7

உனது மகிழ்ச்சி..

நீ நினைக்கும் இடத்தில் இல்லை

நீ இருக்கும் இடத்தில் உண்டு

புரிந்தால் மகிழ்ச்சி..

நச்வரி நாலுவரி V 4.8

அன்பே...

என் முதலும் நீ... என் முடிவும் நீ...

என் முழுதும் நீ... என் மூச்சும் நீ....

என் காதல் நீ.. என் கவிதை நீ..

என் வார்த்தை நீ.. என் வாழ்க்கை நீ..

நச்வரி நாலுவரி v 4.9

உடல் எடைக்கு, இதய ஓட்டத்திற்கு,

மகிழ்ச்சி கொள்ள, அழுத்தம் குறைய,

நரம்புகள் சீராக, ஞபாக சக்திக்கு,

உயிர் வாழ.. தூக்கம் அவசியம்

நச்வரி நாலுவரி V 5.0

அகந்தை, பொறாமை, வம்புகளை - தள்ளி வைப்போம்

புன்னகையை - நிலை நிறுத்துவோம்

அன்பை, அறிவை - வளர்ப்போம்

வெற்றிகளை - அடைய உழைப்போம் ..

நச்வரி நாலுவரி V 5.1

நாளை நாளை என்று

இருக்கும் நாட்களைக் கழிக்காதே!

காலம் கடந்து போனால்

வாழ்க்கை இனிக்காதே!

இன்றே நிஜம் நம்பிக்கை'வை

நச்வரி நாலுவரி V 5.2

சொல்லாத வார்த்தைகள் என்று

நண்பனிடம் ஒன்றும் இல்லை,

சொல்லுகிற வார்த்தைகள் எல்லாம்

கேட்கின்ற நண்பர்கள் போல் யாரும் இல்லை.!😏

நச்வரி நாலுவரி V 5.3

நம் சிந்தனைக்கும்

நம் செயலுக்கும் உள்ள தூரமே

நமக்கும்

நம் வெற்றிக்கும் உள்ள தூரம் ..!

நச்வரி நாலுவரி V 5.4

நரக வாழ்க்கையில்

நம்மை வாழ சொல்லி வற்புறுத்துவது

நட்பும் காதலும்தான்..

நட்பை சுவாசி! காதலை நேசி!

நச்வரி நாலுவரி V 5.4

நரகமான வாழ்க்கையிலும்

நம்மை வாழ சொல்லி வற்புறுத்துவது

உண்மையான நட்பும் காதலும்தான்..

நட்பை சுவாசி! காதலை நேசி!

நச்வரி நாலுவரி V 5.5

வானை அழகாக்க வரும் நிலவை

காண இரவு காத்திருப்பது போல்,

என் கனவை அழகாக்க வரும் அவள்

நினைவுகளுக்காக காத்துயிருக்கிறான்.

நச்வரி நாலுவரி V 5.6

உலகை மாற்ற

உன்னை மாற்றி விடு !!

உன்னை மாற்றி

உலகை மாற்றி விடு !!!

நச்வரி நாலுவரி V 5.7

உன் அறிவு.....

அடுத்தவர்களுக்கு உதவினால் அறிவியலாகிறது..

உனக்கு மட்டுமே உதவினால் ஆணவமாகிறது..

உன்னை அறிய உதவினால் உலகம் உனதாகிறது..

நச்வரி நாலுவரி V 5.8

இருக்கட்டும் கோடி நட்சந்திரங்கள் விண்ணில்,

இரவுக்கு அழகு வெண்ணிலவுதான்...!

இம்மண்ணில் பல உறவுகள் உலா வரட்டும்,

இருக்கும் வரை வாழ்க்கைக்கு அழகு நல்ல நண்பர்கள்தான்...!

நச்வரி நாலுவரி V 5.9

குறும்புதனமான குழந்தை நட்பு!!!

மீண்டும் வாழ துண்டும் மாணவ நட்பு!!!

கடைசிவரை மறக்காத கல்லூரி நட்பு!!!

வாழ்க்கை வாழ வாய்பொக்கை நட்பு!!!

நச்வரி நாலுவரி V 6.0

கற்பனையால் கவிதை பிறக்கும்...

கவிதையால் காதல் பிறக்கும்...

நல்ல நட்பால் மகிழ்ச்சி பிறக்கும்...

வாழ்க்கையில் எதையும் இழக்கலாம் நட்பை தவிர.!!!

 நச்வரி நாலுவரி V 6.1

பிறப்பில் கருவறை இறுதில் மனவறை

சொல்வது அன்பு செய்வது அக்கறை

ஆரம்பம் மடியில் முடிவு தோளில்

முதல் பாதி தாய்!! மீதி  நண்பன்!!

நச்வரி நாலுவரி V 6.2

அள்ளிக்கொடுக்கும் உறவு

சொல்லிக்கொடுக்கும் சொந்தம்

தன்னையே கொடுக்கும் காதல்

உயிரையும் கொடுக்கும் நட்பு..

நச்வரி நாலுவரி V 6.3

விடியும் என்று நம்பு,

வெளிச்சம் நிச்சியம் !!!

முடியும் என்று நம்பு,

வெற்றி நிச்சியம் !!!

நச்வரி நாலுவரி V 6.4

மெய் சாய்ந்தால் கருவோடு

பொய் சாய்ந்தால் தெருவோடு

கூன் சாய்ந்தால் நோக்காடு

ஊன் சாய்ந்தால் சுடுகாடு

நச்வரி நாலுவரி V 6.5

தோல்வி உன்னை தொடர்ந்து வரலாம்,

தொட்டு விட நினைத்தும் விடலாம்..

திரும்பி எட்டு வைத்து அதன் மீதேறு!!

தோல்வி ஓட, மாறும் வெற்றித் தேறு!!!

நச்வரி நாலுவரி V 6.6

உன்னை யாரும் ஏற்றிவிடுவார்கள்,

என எண்ணாதே!

நீயே ! எழக் கற்று கொள்!

அது தான் உன் வெற்றியின் முதற்படி..

நச்வரி நாலுவரி V 6.7

சிலை மேனி நீ

உளி கண்கள் நான்

செதுக்குகிறேன்..

அழகு பெண்ணாக நீ 👰

நச்வரி நாலுவரி V 6.8

பணமென்பது தீ போல,

மனமென்ற பஞ்சில் ஏற்றிவிட்டால்

குணமில்லா நம் தேகம்

கண பொழுதில் சாம்பல் ஆகிவிடும் ....

நச்வரி நாலுவரி V 6.9

ஆறில் எதிலும் விளையாட்டாய்!

இருபதில் எங்கும் தெனாவெட்டாய்!

நாற்பது முதல் அனுபவமொட்டாய்!

அறுபதில் யார்க்கும் எடுத்துக்காட்டாய்!

நச்வரி நாலுவரி V 7.0

மூச்சு விடாமல் இருக்க முடியுமா?

முயற்சி செய்து தோற்கிறேன்!!!

அன்பே.. உன்னை மறக்க முடியுமா?

நினைத்து நினைத்து பார்க்கிறேன்..!

நச்வரி நாலுவரி V 7.1

இன்றைய விடிவெள்ளி நீ!

நாளைய உலகம் நீ!

வருங்கால சரித்திரம் நீ !

எழு.. உன்னை செதுக்க!!

நச்வரி நாலுவரி V 7.2

ஒரு சொல் கவிதை அம்மா.

ஒரு சொல் சரித்திரம் அப்பா.

ஒரு சொல் அனுபவம் ஆசான்.

ஒரு சொல் அக்கறை நண்பன்.

நச்வரி நாலுவரி V 7.3

நத்தைக்கு கூடு சுமையா?

பறவைக்கு சிறகு சுமையா?

உனக்கு வாழ்க்கை சுமையா?

உணரு சுமையும் சுவையாகும் !

நச்வரி நாலுவரி V 7.5 (முற்றும்)

முடியாது என்ற வார்த்தையை

முடக்கி விட்டு,

முடியும் என்ற வார்த்தையோடு

முனைந்திடு.. உலகம் உன்னோடு!!!