காதல் பாடல் # 18

அன்பே என்னுள் உலவு
நீதானே என்மனக் களவு

ஆசைக்கு இல்லையே அளவு 

நீங்குமே நம்முள் பிளவு

எண்ணிலடங்கா உன் அழகை 

வார்த்தையில் வரைய ஆசையோ ஆசை.

சரணம்

**********

கூந்தலோடு விளையாட கைவிரலாக ஆசை.

இதழோடு வழிந்தோட தேனாக ஆசை.

விழியோடு வளைந்தாட புருவமாக ஆசை. 

முத்துப்பல் சிரிப்பில் முத்துக்களாக ஆசை.

இடையோடு இசைந்தாட குழலாக ஆசை.

உன்னோடு கலந்தே நான் நீயாக ஆசை ஆசை.

சரணம்

**********
மார்போடு கோலமிடும் அணிகலனாக ஆசை.
மணிக்கட்டில் முத்தமிடும் கைவளையலாக ஆசை.

காதோடு கவிபாடும் கவிஞனாக ஆசை.

மேனி உறவாடும் நூலாடையாக ஆசை.
காலோடு இசையெழுப்பும் கால்கொலுசாக ஆசை.
உயிரோடு உயிராக நரம்பும் சதையாக ஆசை ஆசை.