நீர்த்துளி

வானம் இடிந்தால் என்ன

மேகம் உடைந்தால் என்ன

மின்னல் கிழித்தால் என்ன

மிதமாய் பொழிந்தால் என்ன

எண்ண எண்ண இதயம் நனையும் என்ன

மாயம் என்ன இதைவிட சொர்க்கம் என்ன

சரணம்

**********

புல்லில் நீ விழுவதால் நீயோ பனித்துளி

புவியில் நீ விழுவதால் நீயோ உயிர்த்துளி

மலையில் நீ விழுவதால் நீயோ நீர்வீழ்ச்சி 

கடலில் நீ விழுவதால் நீயோ சமுத்திரம்

விழுந்து தேங்கி எழுந்து நடந்து ஓடோடி சேர்வதால் நீயோ நம்பிக்கை.

சரணம்

**********

கன்னத்தில் நீ விழுவதால் நீயோ கண்ணீர்

கழுத்தில் நீ விழுவதால் நீயோ குடிநீர் 

உள்ளத்தில் நீ விழுவதால் நீயோ இரக்கம்

உழைப்பில் நீ விழுவதால் நீயோ வியர்வை 

எங்கும் எதிலும் நம்மில் கலந்து ஒன்றாய் இருப்பதால் நீயோ ஜீவன்.