மீசைய முறுக்கிக்கிட்டு ஆசைய மறைச்சிகிட்டு
உடன் வாழ்பவர்தான் அப்பா அப்பா.
பாரங்கள் சுமந்துகிட்டு வாரங்கள் கடந்துகிட்டு
நாளும் உழைப்பவர்தான் அப்பா அப்பா.
தாய்யை மிஞ்சும் தாய்தான் அப்பா அப்பா.
தெய்வம் சொல்லும் தெய்வம் அப்பா அப்பா.
சரணம்
**********
நாம் கேட்டு இல்லை என்ற சொல்லை இல்லாமல் செய்தவர் அப்பா அப்பா.
எனது ஆசைகளை தனது ஆசைகளாக எண்ணி வாழ்பவர் அப்பா அப்பா.
குடும்பம் கலங்காதிருக்க தன்னை கல்லாக்கி கொண்டவர் அப்பா.
தோளில் சுமந்து நமக்கு உலகம் காட்டியவர் அப்பா
உலகமே காட்டும் ஒப்பற்ற உறவுதானே அப்பா
நாம் பல உயரங்கள் அடைந்தாலும் சிகரங்கள் தொட்டாலும் பெரும் மகிழ்ச்சி அடைபவர் அப்பா அப்பா.
சரணம்
**********
நாம் அவரை நினைக்காத போதும் நம் வாழ்வையே நினைப்பவர் அப்பா அப்பா.
எனது தேவைகளை தனது தேவைகளாக பாவித்து நடப்பவர் அப்பா அப்பா.
கொஞ்ச தெரிந்திருந்தும் நெஞ்சில் சுகமாக சுமப்பவர் அப்பா
தோல்வி வந்த போதும் தட்டிக்கொடுத்து தோள் கொடுப்பவர் அப்பா
தோள் கொடுத்த ஒப்பற்ற முதல் தோழன் அப்பா.
நாம் பல நேரங்களில் அழுதால் கடும்முகம் வெளியே காட்டி உள்ளே அழுவார் அப்பா அப்பா.
No comments:
Post a Comment