புறப்படு இளைஞனே

வேண்டும் வேண்டும் உண்மை வேண்டும்.

வேண்டும் வேண்டும் நேர்மை வேண்டும்.

எங்கும் எதிலும் நல்லெண்ணம் வேண்டும்.

எதனையும் எதிர்க்க மனஉறுதி வேண்டும்.

நியாயமான ஞானம் நம்மில் பெற்றிட வேண்டும் வேண்டும்.

நிலையான செயல் மண்ணில் செய்திட வேண்டும் வேண்டும்.

புறப்படு புறப்படு இளைஞனே இளைஞனே.

செயல்படு இன்றே இளைஞனே இளைஞனே.

சரணம்

--------------

அநீதி அநியாயம் தொலைக்க வேண்டும்,  நீதி நியாயம் நிலைக்க வேண்டும்.

சாதி மதங்கள் ஒழிந்திட வேண்டும், சமத்துவம் எங்கும் ஓங்கிட வேண்டும்.

கல்வி கல்லார்கும் கிடைக்க வேண்டும், கல்லாமை இல்லாமை ஆக்கிட வேண்டும்.

கொலையும் கொள்ளையும் அழிந்திடல் வேண்டும், கொள்கையும் கொடையும் இருந்திடல் வேண்டும்.

இளைஞர்கள் துணிந்து முன்வர வேண்டும், இந்தியா பார்புகழ் படைத்திட வேண்டும். 

புறப்படு புறப்படு இளைஞனே இளைஞனே.

செயல்படு இன்றே இளைஞனே இளைஞனே.

சரணம்

*********

ஒழுக்கம் எதிலும் இருந்திடல் வேண்டும், ஓயாது உழைக்கும் எண்ணம் வேண்டும்.

ஊழல் இலஞ்சம் அகற்ற வேண்டும், உள்ளம் உறவுகள் போற்ற வேண்டும்.

மக்கள் உரிமை பெற்றிட வேண்டும், உண்மையான மக்களாட்சி மலர்ந்திட வேண்டும்.

எளிமை அரசியல் எழுச்சியுர வேண்டும், எதிலும் உன்னதம் அடைந்திட வேண்டும்.

விவசாயம் எங்கும் பெருகிட வேண்டும், வீடும்நாடும் நலம் பெற வேண்டும்.

புறப்படு புறப்படு இளைஞனே இளைஞனே.

செயல்படு இன்றே இளைஞனே இளைஞனே.