எங்கே இருக்குது...

எங்கே இருக்குது ஐயா எங்கே இருக்குது

தேடி பார்க்குறேன் நானும் தேடி பார்க்குறேன்

காற்றில் பறக்குதோ ருபா நோட்டில் இளிக்குதோ

ஏட்டில் படிக்குதோ வெறும் பேச்சில் இருக்குதோ

பலர் இங்கு உடல் தந்து உயிர் தந்து பெற்ற சுதந்திரம்...

சரணம்

**********

அல்லும்பகலும் அயராது போராடி பெற்ற சுதந்திரம்

உதிரம் சிந்தி தியாகங்கள் செய்து பெற்ற சுதந்திரம்

மாடாய் செக்கிழுத்து அடிகளை தாங்கி பெற்ற சுதந்திரம்

அகிம்சை வழியிலும் வீரதீர வழியிலும் பெற்ற சுதந்திரம்

வெள்ளையனை விரட்டி வெற்றிக்கொடி காட்டி பெற்ற சுதந்திரம்.

வீறுநடை போட்டு எண்ணற்ற தியாகிளால் எண்ணிலடங்கா தியாகங்களால் பெற்று தந்த சுதந்திரம். (எங்கே இருக்குது...)

சரணம் 

**********

காசு கொடுத்து கல்வி பெறுவது தானோ சுதந்திரம்

சாதியை வளர்த்து சமத்துவம் பேசுவது தானோ சுதந்திரம்

நிலத்தை விற்று உணவை வாங்குவது தானோ சுதந்திரம்

மனதனை கொன்று மனிதநேயம் காப்பது தானோ சுதந்திரம்

போராடி போராடி உரிமைகளை பெறுவது தானோ சுதந்திரம்

பணக்காரன் குடிகாரன்  ஊழல்வாதி அரசியல்வாதி கொள்ளையன் காமவெறியன் கைகளில் உள்ளது தானோ சுதந்திரம் (எங்கே இருக்குது...)