காதல் பாடல் #7
*****************
சூரியன் சுடவில்லை சந்திரன் ஒளிரவில்லை
மேகங்கள் அலையவில்லை விண்மீன்கள் ஜொலிக்கவில்லை
இரவு பகல் தெரியவில்லை காலம் நேரம் அறியவில்லை
காரணம் என்னை ஏனோ என்னில் காணவில்லை
கண்ணே உன்னில் தேடிட காதல் குறையவில்லை
சரணம்
********
படுக்கையில் படுத்திட உறக்கம் வரவில்லை
கண்கள் மூடிட கனவுகள் தீரவில்லை
தேவதை நீவந்திட காட்சிகள் ஓயவில்லை
தேவைகள் நீதந்திட விடியல் தெரியவில்லை
இரவில் என்னை கடத்தி கனவில் குடும்பம் நடத்தி
விழியில் நாளும் நிறுத்தி ஜாலம் செய்யும் ஒருத்தி
காரணம் என்னை ஏனோ என்னில் காணவில்லை
கண்ணே உன்னில் தேடிட காதல் குறையவில்லை
சரணம்
********
நடக்கையிலே பாதையின் நீளம் குறையவில்லை
நினைக்கையிலே உன்னை தவிர ஏதுமில்லை
பேசுகையிலே வருவது உன்பெயரின்றி வேரில்லை
வேலையிலே வேளைக்கு வேளை மறக்கவில்லை
பகலில் என்னை உடுத்தி எங்கும் பாடாய் படுத்தி
அலைய விடுகிறாய் சிறுக்கி அலைகின்றேன் நான் பொறுக்கி
காரணம் என்னை ஏனோ என்னில் காணவில்லை
கண்ணே உன்னில் தேடிட காதல் குறையவில்லை
No comments:
Post a Comment