காதல் பாடல் #21

ஆசை மெல்ல மெல்ல துளிர்க்கும்
அதை சொல்ல சொல்ல இனிக்கும்
அழகு கொள்ள கொள்ள பறிக்கும்  
அமுதம் அள்ள அள்ள தெறிக்கும்
மனம் காதல் காதலென்று பறக்கும்
தினம் வானில் சிறகுகள் விரிக்கும்

சரணம்

**********

நெற்றியில் குங்கும பொட்டாக ஒட்டி கொள்ள ஆசை

கூந்தலில் அழகு பூஞ்சரமாய் கட்டி தொங்க ஆசை

விரலில் மோதிரமாக ஒட்டிக்கொண்டு முத்தமிட ஆசை
கைக்கடிகாரமாக நான் மாறி உன்னை கட்டிக் கொள்ள ஆசை
வளையளாக உனது கைகளில் வழுக்கி விளையாட ஆசை

என்னில் காதல் வரைந்து வரைந்து உன்னில் கரைந்து கரைந்து விட ஆசை.

சரணம்

**********

சேலைக்குள் நூலாக  தேகத்தை சுற்றிக்கொள்ள ஆசை
ஒட்டியாணமாக இடையை இருக்கி கொடியாக படர ஆசை

கால் கொலுசில் வரும் இசையாக இணைந்திருக்க ஆசை

உருவம் இல்லாத கற்புக்கு உருவமாக இருக்க ஆசை

உயிரினில் உள்ளே உதிரமாய் ஓடி கொண்டிருக்க ஆசை
உன்னில் இதயம் நுழைந்து நுழைந்து உன்னுள்ளே கலந்து கலந்துவிட ஆசை