தந்தையின் தாலாட்டு பாட்டு

ஆராரோ ஆரிரரோ ஆரிராரோ
ஆராரோ ஆரிரரோ ஆரிராரோ
நான் பாராட்ட பாடும் பாட்டு
செல்லமே பாரு
நான் தாலாட்ட தாயும் ஆனேன்
தங்கமே கேளு
நான் இருக்க ஏன் அழுற
வான் மேகம் அதும் தாண்டி
தேடி தேடி தமிழெடுத்து
அப்பன் நான் பாட்டெழுத
கண்கள் மூடி நீயும் கண்ணே
கண்ணுறங்கு கண்ணுறங்கு..

சரணம்
*********
கட்டிவச்ச முத்துசரம் நீ கட்டவிழ்க விசித்திரம் நீ
கொட்டிவைச்ச புதையல் நீ
எட்டிவைக்க புவியியல் நீ
தட்டிவைச்ச உள்ளம் முழுதும் நீ
பட்டிதொட்டி கிட்டாத செல்வம் நீ
என்னால நீ உருவாக
உன்னால நான் மீண்டும் கருவானேனே..
எதுவாக இருந்தாலும் எதற்காகவும் கலங்காதே
அப்பன் நான் துணை இருக்க
கண்கள் மூடி நீயும் கண்ணே
கண்ணுறங்கு கண்ணுறங்கு..