ஹைக்கூ 100 [21-30]

அன்று..அவன் இவனை இவன் அவனை காரி துப்பினான்
இன்று...இருவரும் ஒன்றாக காபி அருந்துகிறார்கள்..!
"அரசியல் கூட்டணி"
*********************************************************************************
வெல்பவருக்கு ஓட்டு என்பதை மனதில் நீக்கு
நல்லவர் வெல்பவராக போடு ஓட்டு.!
*********************************************************************************
சின்ன மீன் போட்டு திமிங்கலம்
பிடிப்பதுதான் தேர்தல்களம் !
*********************************************************************************
எல்லாக்கட்சிகளின் இன்றைய கேள்வி
மக்களுக்கு என்ன செய்வீர்கள் என்பது போய்
மக்களுக்கு எவ்வளவு கொடுப்பீர்கள் என்பதுதான்?
*********************************************************************************
மன்னராட்சியில் சுண்டல் வரி!
மக்களாட்சியில் சுரண்டல்(சுங்க)வரி!
*********************************************************************************
குடும்ப ஆட்சி நடத்துகிறார்
குறை சொன்னவர்களின் மகன் தேர்தலில் போட்டி!
"குடும்ப அரசியல்"
*********************************************************************************
இந்தப்பொய் போதும் போதுமா?
இன்னும் கொஞ்சம் வேணுமா ?
"தேர்தல் அறிக்கைகள்"
 *********************************************************************************
அன்று வருங்கால காந்தி நான் என்று ஓட்டு கேட்டு வந்தவன்
இன்று நோட்டு நீட்டி ஓட்டு கேட்கிறான் நோட்டில் காந்தி சிரிக்கிறார்!
*********************************************************************************
கோழி பிரியாணி குவாட்டர் அலைமோதும் கூட்டம்
காதுகிழியும் இரைச்சல்கள் உருவாகும் உறவுமுறைகள்
கரையுது கரையான்கள்!
*********************************************************************************
யாருக்கு ஓட்டு?
துணியில்லாதவனுக்கு கிடைத்தது
ஆளுங்கட்சி வேட்டியும் எதிர்கட்சி துண்டும்!
*********************************************************************************