செலவு

செய் செய் செலவு செய்
இருப்பதில் இருந்து செலவு செய்
மெய் மெய் அறிவு மெய்
அறிவதில் இருந்து வரவு மெய்
வாழ்வின் நாட்கள் செலவு செய்வது மெய்யாகி செய்தால்
வாழ்வது வரமாகும்
அது பொய்யாகி போனால்
வாழ்வதே சாபமாய் போகும். ஆகையால்
சரணம்
**********
சிந்தையை நீயும் செலவு செய்து
விந்தைகள் புதியது புரிந்துக்கொள்
சிரிப்பினை நீயும் செலவு செய்து
ஆயுள்தனை நீளம் கூட்டிக்கொள்
அன்பினை நீயும் செலவு செய்து
ஆயிரம் இதயம் வாங்கிக்கொள்
அறிவினை நீயும் செலவு செய்து
அகிலத்தை இன்றே வெற்றிக்கொள்
சரணம்
***********
கனவை நீயும் செலவு செய்து
நிஜம் ஆனதென உறுதிகொள்
தைரியம் நீயும் செலவு செய்து
காரியம் நிறைவு செய்துகொள்
உழைப்பை நீயும் செலவு செய்து
உயர்வை மனதால் ஏற்றுக்கொள்
இளமையை நீயும் செலவு செய்து
முதுமையின் துன்பம் தடுத்துக்கொள்