நம்பிக்கை கொள்ளடா பாடல்

நண்பனே நண்பனே நம்பிக்கை கொண்டு இருடா

மண்ணிலே மண்ணிலே வாழ்க்கை ஒருமுறை தானடா

ஆயிரம் தடைகள் உனக்கு வந்து வந்து போகலாம்

அதற்கு விடைகள் உன்னில் இருந்து தந்து தீரலாம்

ஆகையால் நம்பிக்கை கொள்ளடா நம் கை வெல்லும் பாரடா

சரணம்

**********

கனியிலும் கசப்புண்டு தேனிலும் துவர்புண்டு

அதனில் தானே மருந்துண்டு

சோதனை தினமுண்டு தோல்விகள் பலவுண்டு 

அதனில் தானே பாடமுண்டு

பாடம்தனை கற்றுக் கொள்ளடா

பாரினை நீயும் வெல்லடா

அகையால் நம்பிக்கை கொள்ளடா நம் கை வெல்லும் பாரடா

சரணம்

***********

கவலைகள் பலவுண்டு வேதனை சிலவுண்டு

வலியில் தானே வழியுண்டு

கனவுகள் தினம்கண்டு வேலைகள் செயல்கொண்டு

தினமும் தானே ஜெயமுண்டு

கனவுகள் கைகூடும் வேளைடா

கவலைகள் அதுமாறும் நாளைடா.

அகையால் நம்பிக்கை கொள்ளடா நம் கை வெல்லும் பாரடா