தோல்வி...

தோல்வியென்பது நிலையல்லவே தோழா
தோற்பதென்பது வெற்றிக்காகவே தோழா
தோற்காது வெற்றியை நீ சந்திப்பதென்பது கனியை சுவைப்பது போலாகும்.
தோல்வியில் வெற்றியை நீ சந்திப்பதென்பது விதையை நடுவது போலாகும்.

தோல்வியின் தோளில் கைபோடு தோற்றுப்போ என்றே வீரநடைபோடு.


சரணம்
*********
பெயர் வைத்த பெற்றோர்க்கு பாங்குடனே பெயர் வாங்கித் தர பிறந்தவன் நீ
சருக்கி விழுந்து சட்டென்று எழுந்துடனே  சரித்திரம் படைக்க வர பிறந்தவன் நீ
பல்குத்தும் குச்சியல்ல உரசியதும் பற்றிக்கொள்ளும் தீக்குச்சியாயிரு தோழா
சோதனை தடையல்ல சாதனைகள் பலதுபடைத்து வரலாறுபடைத்திடு தோழா
தோல்வியின் தோளில் கைபோடு தோற்றுப்போ என்றே வீரநடைபோடு.

சரணம்
**********
தோல்வி என்பது உன்னைத்தேடி வருவதில்லை உன்னுள் உள்ளது மாற்ற எழுந்துவா நீ
உதிர்ந்த இலை உரமாகுமே விதைவிழுக மண்ணில் மரமாகுமே என்று எழுந்துவா நீ
உழைப்பின் பாதையில் சென்றால் வெற்றியின் இடம்தனை அடைவாய்
இருளுக்குபின் வெளிச்சம் நிச்சயம் விழித்தெழு தோழா விழித்தெழு
தோல்வியின் தோளில் கைபோடு தோற்றுப்போ என்றே வீரநடைபோடு.